Waxa saaka oo Sabti ah 16/12/2017 boqasho ku yimi xarunta dusiga sare ee Al-Imaamu Al-Nawaawi Boosaaso agaasimaha guud ee wasaarada waxbarashada puntland Maxamed C/qaadir Cismaan iyo wafti uu hogaaminayo, waxana iskuulka kusoo dhaweyey dhamaan maamulka guud ee dugsiyada Al-Imaamu Al-Nawaawi Boosaaso iyo maamulka dugsiga sare.
Waftigan uu hogaminayey agaasimaha guud waxa kamid ahaa :
- Madaxa Manaahijta Wasaarada, Nuur Ciiro.
- Gudomiyaha Waxbarashada Gobolka Bari, Shamis Muuse.
- Gudomiyaha Waxbarashada Degmada Boosaaso, C/laahi Xasan
Iyo waaxda kormeerka wasaarada waxbarashada.
Maamulka dugsiyada Al-Imaamu Al-Nawaawi Boosaaso iyo wasaarada waxbarashada puntland ayaa kulan ay ku yeesheen xafiiska maamulaha guud ee Dugsiyada Al-Imaamu Al-Nawaawi Boosaaso waxay kawada hadleen sidii loo horumarin lahaa waxbarashada puntland, waxa uuna agaasimaha guud ee wasaarada waxbarashadu bogaadiyey horumarka dhan kasta ah ee uu gaadhay dugsiga Al-Imaamu Al-Nawaawi Boosaaso.
Ugu danbayntii waftiga wasaaradu waxay ay kalmado dhiiri galin iyo dar daaran ah usoo jeediyeen ardayda fasalka 4aad ee dugsiga sare.
Xafiiska Nashaadka Iyo Warbaahinta Dugsiyada Al-Imaamu Al-Nawaawi Boosaaso.
